في الحلقة الحادية عشر من الموسم الثاني من بودكاست The AI Voice، هنعيش مع بعض تجربة مختلفة من قصص النجاح المُلهمة لأي حد بيفكر يبدأ في ريادة الأعمال والتكنولوجيا..

قصة نجاح شركة فوري ⁨@Fawrypaymentsofficial⁩ اللي بقت أكتر من مجرد شركة مدفوعات إلكترونية… هي شركة قدرت تغير شكل السوق المالي في مصر، وسهّلت حياة ملايين المصريين، وخلقت فرص كتير لشباب ورواد أعمال.

ضيفنا في الحلقة دي هو المهندس مصطفى النحاس، الشريك المؤسس لفوري، واحد من العقول اللي كانت جزء من المشوار من أول الفكرة لحد الوصول للقمة وتحقيق قصة نجاح استثنائية

في الحلقة دي هتعرف :

بداية فوري… وإزاي فكرة زي دي سهلت حياة ملايين ؟

إيه أصعب التحديات اللي واجهتهم وإزاي قدروا يتغلبوا عليها ؟

الـ AI ودوره الحالي والمستقبلي في تطوير الخدمات المالية وتسهيل حياة الناس

نصايح مهمة لأي حد بيفكر يدخل عالم التكنولوجيا المالية

لو مهتم تعرف كواليس صناعة نجاح في السوق المصري، وعايز تعرف إزاي الأفكار الكبيرة بتبقى واقع، الحلقة دي ليك!

الموسم الثاني من The AI Voice Podcast برعاية ‎ ⁨Wuzzuf⁩

Powered By Meska.a

في الحلقة دي من The AI Voice Podcast، عمر المنير بيستضيف المهندس محمد المصري – الرئيس التنفيذي لشركة Tactful، في حوار ملهم عن رحلة بناء شركة تكنولوجيا عالمية من قلب الأقصر. محمد بيحكي عن إزاي واجه تحديات سوق العمل بعد التخرج، وإزاي بدأ أول شركة له من الصفر وابتكر "إنترنت كيوسك" للمراكب السياحية. بنسمع كمان عن بداياته في تطوير تكنولوجيا التشفير، وتصنيع أجهزة إلكترونية متقدمة محليًا، وأهمية تبسيط التكنولوجيا المعقدة عشان تساعد المستخدمين العاديين. بنتعرف على رؤيته لحلول الذكاء الاصطناعي في خدمة العملاء، وتحليله لمشاكل تشتت البيانات، وتفاصيل التوسع في السوق الأوروبي. محمد بيشاركنا خبراته عن بناء فرق هندسية قوية، وأهمية دعم الصناعة المحلية، وإزاي نحافظ على جودة المنتج المصري ونكسب ثقة العملاء. وفي الآخر، بيوجه مجموعة من النصايح الصادقة للشباب الطموح عن التعلم السريع والنجاح الحقيقي.

لو نفسك تبني حاجة كبيرة، أو بتدور على قصة مصرية فعلاً تلهمك… الحلقة دي ليك.

في الحلقه التاسعة من الموسم الثاني من بودكاست The AI Voice ، بنعيش قصة من أكتر القصص الملهمه في عالم التكنولوجيا المالية في مصر والوطن العربي.

Paymob مش بس شركة FinTech… دي شركة غيرت شكل السوق كله! فتحوا باب رزق لآلاف الناس، دخلوا ملايين الدولارات للبلد، ومنتجاتهم بقيت موجوده في كل حته. والنهارده معانا الراجل اللي شال الشركه من أول يوم، اللي قاد التغيير التكنولوجي فيها: صديقي المهندس مصطفى منيسي 🙌

🎯 في الحلقة هتسمع عن:

بداية Paymob من الصفر

التحديات اللي واجهتهم كشركه ناشئة في قطاع حساس زي التكنولوجيا المالية

ازاي AI بيغير شكل القطاع المالي حاليًا ومستقبلًا؟

شكل البنوك اللي جاية هيبقى عامل إزاي؟

وهل فعلاً الذكاء الاصطناعي هيبقى هو اللي بياخد القرارات الماليه؟

📌 الحلقه دي كورس مصغر لكل اللي عايز يدخل مجال الـ FinTech أو يشتغل في شركات زي Paymob.

الموسم الثاني من The Ai Voice Podcast برعاية ⁨Wuzzuf⁩

Powered By Meska.ai